Testo e musica di Dorian Dionisi
Co' go savudo che i serava l' oficina me vigniva de impicarme in cantina
Cassaintegrato, licenziado: el mio futuro lo vedevo tristemente segnado
Ma per fortuna no go fato 'sta monada; una soluzion xe stada "studiada"...
Mobilità, mobilità: in ospedal ghe servi tanto personal!
De tornidor farò el dotor, el Cavalier lo ringrazio de cuor!
Mi no me manca de sicuro esperienza; visitavo de picio la mia amica Lorenza!
Buto in scovaze quele straze, ma i ricordi de 'sti anni resterà
su le mani
Col camisoto, el stetoscopio e la cartela la mia vita sì, che la
sarà bela!
No gaverò mai più pensieri de rivar a fine mese. ..me organizo
le spese!
Mobilità, mobilità: el mutuo poderò finir de pagar!
Un' auto nova volessi comprar, una vacanza farìa in mezo al mar!
Fantasticando in ospedal son rivado: me trovo davanti un mato tuto macado!
El xe con un brazo stravirado, con un femore cricado: el speta d'esser
curado!
E xe una vecia in carozela che la ziga tuto 'l tempo: - "Deme la
padela"!
Me xe passada l' alegria e go 'ncora de conosser i coleghi in corsia...
Mobilità, mobilità, 'pena li vedo resto duro impalà
I sta serando tuto, me par: el carozier xe diventado infermier!
Anca 'l gomista che ga zata d'artista xe sta messo qua dentro; 'desso
el xe anestesista!
(Coro) Anca 'l gomista che ga zata d'artista xe sta messo qua dentro;
'desso el xe anestesista!
Qua ghe volessi un fià de tempo, afiatamento, ma gavemo za de far
un intervento!
Un picoleto un po' calveto se fa largo fra la gente: zota in modo evidente
Su la barela lo metemo lentamente e lo vardemo: - "Cazo! Xe 'l Presidente"!
Mobilità, mobilità, la ciave inglese mi so solo doprar!
Un bon zucon senza passion: cavo la tibia.. .ghe meto un piston!
El carozier fa 'l suo dover: una stucada per lui xe un piazer!
Un bel cercion, un aleton, per el gomista xe vignù 'n lavoron!
El Presidente ne saluda sgomando... noi ghe racomandemo: - "Tra un
meseto el tagliando"!
(Finale)
Mobilità, mobilità, in un momento la tua vita poI cambiar!
El salumer poI far 'l barbier, el trapoler podessi esser banchier!
Mobilità, mobilità, la soluzion forsi no xe questa qua!
