Testo di Enrico Scaravelli
Tra e ramme xeua lesto
û n peccetto,
o porta a-o seu nïo
û n rametto,
o çerca a seu compagna
in mëzo a-o bosco, lanciando o o seu reciammo a ciû no posso.

Ma l'oegia do cacciòu a no capisce
questo canto d'amô ch'o xeua in te l'äia,
pe’ strenze a seu peccetta in mëzo a-e feugge
primma che ûn cardaen o-a posse cheugge.

Ondezza 'n'erxo ä primma fia de vento,
quando se sente 'na risposta a-o canto,
invexendòu xuàtta via o peccetto,
e nasce in çimma a-e ramme ‘n sentimento.

Û n sparo o scheggia a scorsa
de quell'aerbo,
cazze ferïa pe' taera
a peccettinn-a
co-i euggi colmi de
malinconia
a dïxe a-o seu compagno
" Scappa via.."

Anche quello cacciòu o se intenerisce,
o cheugge i duì peccetti e-o cörre via
quella bella creatüa lé o guarisce
lasciandola xeuà in mëzo a natûa.

Quande l'amô o l'è 'n vero sentimento,
anche e avverscitae se spassan via,
saveise accontentà d'ogni momento
pensando che o doman o xeua cö vento..

E comme i duì peccetti o sentimento
o no se deve perde in mëzo a-o vento.
Tegnimmose pe' man con allegria
e in te ‘n recanto va a malinconia